Скарынаўскі Цэнтр - падзеі:

Міжнародная навукова-практычная канферэнцыя — "Міжкультурны дыялог у Беларусі: нацыянальна-культурнае і духоўнае развіццё ва ўмовах глабалізацыі"

Нацыянальны навукова-асветніцкі цэнтр імя Ф.Скарыны запрашае да ўдзелу ў Міжнароднай навукова-практычнай канферэнцыі "Міжкультурны дыялог у Беларусі: нацыянальна-культурнае і духоўнае развіццё ва ўмовах глабалізацыі", якая адбудзецца пры падтрымцы ЮНЕСКА 10-12 снежня 2003 г. у Мінску.

Мэта праекта — распрацоўка асноў стратэгіі нацыянальна-культурнага і духоўнага развіцця Беларусі ў кантэксце  глабальных працэсаў.

На абмеркаванне выносяцца наступныя праблемы:

—   сацыякультурны кантэкст феномену глабалізацыі,

—   духоўныя ідэалы і сацыяльныя трансфармацыі: беларускае грамадства ў міжцывілізацыйнай перспектыве,

— роля сацыякультурнай экспертызы ў нацыянальным развіцці,

— інтэлігенцыя: праблема кансалідацыі грамадства,

— захаванне  нацыянальнай ідэнтычнасці ў супольнасці аб'яднанай Еўропы,

— беларуская нацыянальная культура і геапалітычныя працэсы,

— міжмоўнае ўзаемадзеянне ў экалінгвістычнай перспектыве,

— мова як сродак нацыянальнай самаідэнтыфікацыі і формы яе быцця ў пераходных грамадствах,

— нацыянальная ідэя -- мінулае ці будучыня?

Заяўкі на ўдзел у канферэнцыі і кароткае рэзюме (да 500 знакаў) просім дасылаць на адрас ННАЦ імя Ф.Скарыны (220050, г.Мінск, вул.Рэвалюцыйная, 15) да 20.11.03.

Матэрыялы канферэнцыі будуць апублікаваны.

АРГКАМІТЭТ
206-57-97, 220-93-50