Скарынаўскі Цэнтр - падзеі:

10-12 снежня 2003 г.

Міжнародная навукова-практычная канферэнцыя "Міжкультурны дыялог у Беларусі: нацыянальна-культурнае і духоўнае развіццё ва ўмовах глабалізацыі"

10-12 снежня 2003 г. Нацыянальны-навукова-асветніцкі Цэнтр імя Ф. Скарыны пад эгідай ЮНЕСКА праводзіць Міжнародную навукова-практычную канферэнцыю "Міжкультурны дыялог у Беларусі: нацыянальна-культурнае і духоўнае развіццё ва ўмовах глабалізацыі". У ёй прымуць удзел многія вядомыя вучоныя розных спецыяльнасцей (гісторыкі, філосафы, культуролагі, этнолагі і інш.) з Беларусі і краінаў замежжа — Расіі, Украіны, Польшчы, Літвы і інш. Асноўная мэта дадзенай канферэнцыі — правядзенне навукова-аналітычнай экспертызы сучаснага стану беларускага грамадства, выпрацоўка асновы стратэгіі нацыянальна-культурнага і духоўнага развіцця Беларусі. Фактычна канферэнцыя з'яўляецца спробай аб'ядняння лепшых інтэлектуальных сіл краіны дзеля вырашэння складаных грамадскіх праблем, развіцця нацыі ва ўмовах глабалізацыі. Гэты навуковы форум — першы этап у доўгатэрміновым праекце, з ініцыятывай якога выступіў Скарынаўскі цэнтр. Адкрыццё канферэнцыі адбудзецца 10 снежня ў 10.00 ў канферэнц-залі гасцініцы "Юбілейная" (пр-т Машэрава, 19, першы паверх.)

Кантактныя тэлефоны:
т. 2065797, маб. т. 8(029)6732621